ຄູ່ມືການໃຊ້ງານ Annie KaiyDee POS

ດາວໂຫຼດ → ເປີດຮ້ານໃໝ່ (ທົດລອງຟຣີ 7 ມື້) → ໃສ່ຂໍ້ມູນຮ້ານ ແລ້ວຂາຍໄດ້ເລີຍ.

1. ດາວໂຫຼດ ຈາກ anniekaiydee.com: ດາວໂຫຼດ Android ຫຼື ດາວໂຫຼດ Windows PC (ມີແບບ zip ບໍ່ຕ້ອງຕິດຕັ້ງ). ບໍ່ຢາກຕິດຕັ້ງ: ໃຊ້ ຜ່ານເວັບ ໄດ້ທຸກເຄື່ອງ ລວມທັງ iPhone / iPad.
2. Android: ເປີດໄຟລ໌ APK → ອະນຸຍາດ "ຕິດຕັ້ງຈາກແຫຼ່ງນີ້". Windows: ເປີດ AnniePOS-Setup → Next ຈົນສຳເລັດ → ເປີດແອັບຈາກໄອຄອນໜ້າຈໍ.
3. ເປີດແອັບ ຈະເຫັນໜ້າເຂົ້າສູ່ລະບົບ 1. ມີບັນຊີແລ້ວ: ໃສ່ອີເມລ ແລະລະຫັດຜ່ານ → ເຂົ້າສູ່ລະບົບ.
4. ຮ້ານໃໝ່: ກົດ ເປີດຮ້ານໃໝ່ · ທົດລອງຟຣີ 7 ມື້ ຢູ່ລຸ່ມ → ໃສ່ ຊື່ເຈົ້າຂອງຮ້ານ · ເບີໂທ · ອີເມລ · ລະຫັດຜ່ານ 2 → ຢືນຢັນການສະໝັກ → ເລືອກປະເພດຮ້ານ (16 ປະເພດ) ແອັບຈະຈັດໝວດສິນຄ້າໃຫ້.
5. ໄປ ☰ → ຕັ້ງຄ່າ & ສຳຮອງຂໍ້ມູນ → ຕັ້ງຄ່າຮ້ານ & ໃບບິນ 3 → ໃສ່ ຊື່ຮ້ານ · ທີ່ຢູ່ · ເບີໂທ · ໂລໂກ້ (ຂຶ້ນເທິງໃບບິນ) → ບັນທຶກ.
6. ໃນໜ້າດຽວກັນ ເປີດກຸ່ມ ເງິນ ແລະ ສະກຸນ 4: ເລືອກສະກຸນຫຼັກ (ກີບ / ບາດ) · ເປີດ ຮັບເງິນຫຼາຍສະກຸນ ຖ້າຮັບບາດ ໂດລາ ຢວນ · ກົດ ສະແກນ QR ທະນາຄານຮ້ານ ເພື່ອໃຫ້ QR ຮັບເງິນໃສ່ຍອດເອງ.

← ປັດເບິ່ງຮູບ →

ເພີ່ມເທື່ອລະລາຍການ ຫຼືນຳເຂົ້າທີເດຍຫຼາຍລາຍການ.

1. ໜ້າຂາຍ → ກົດປຸ່ມ ＋ ສີສົ້ມ ມຸມຊ້າຍລຸ່ມ (ເຫັນສະເພາະເຈົ້າຂອງ ແລະຜູ້ຈັດການ).
2. ແຕະ ໃສ່ຮູບ ເພື່ອຖ່າຍ ຫຼືເລືອກຮູບ → ເລືອກ ໝວດໝູ່ → ໃສ່ ຊື່ 1.
3. ເລືອກ ຮູບແບບການຂາຍ ແລ້ວໃສ່ລາຄາ — ຕົວເລກຂຶ້ນຈຸດຫົວໜ່ວຍພັນໃຫ້ເອງ ເຊັ່ນ 18,000.
4. ເປີດ ຕັດສະຕັອກ (ນັບຈຳນວນ) → ໃສ່ ຈຳນວນໃນຄັງ 2 — ແອັບຫັກໃຫ້ເອງເມື່ອຂາຍ ແລະເຕືອນເມື່ອໃກ້ໝົດ.
5. ກົດ ⚙️ ຕົວເລືອກເພີ່ມເຕີມ 3: ບາໂຄດ (ກົດ 📷 ສະແກນໄດ້) · ວັນໝົດອາຍຸ · ຕົ້ນທຶນ (ໃຊ້ຄິດກຳໄລ) · ລາຄາສົ່ງ ສຳລັບລູກຄ້າຂາຍສົ່ງ.
6. ກົດ ບັນທຶກ → ສິນຄ້າຂຶ້ນໃນໜ້າຂາຍທັນທີ 4. ແກ້ໄຂ: ກົດ ✏️ ຢູ່ມຸມຮູບສິນຄ້າ.

← ປັດເບິ່ງຮູບ →

ເພີ່ມທີເດຍຫຼາຍລາຍການ

☰ → ຈັດການສະຕັອກ → ສະແກນເມນູ AI (ຖ່າຍຮູບເມນູ → AI ສ້າງລາຍການໃຫ້) ຫຼື ນຳເຂົ້າ Excel (ດາວໂຫຼດແບບຟອມ → ກອກ → ນຳເຂົ້າ).

ຕ້ອງເປີດກະກ່ອນຈຶ່ງຂາຍໄດ້ — ປິດກະແລ້ວຮູ້ທັນທີວ່າເງິນໃນລິ້ນຊັກ ພໍດີ ເກີນ ຫຼືຂາດ.

1. ເປີດກະ: ກົດປຸ່ມ ▶ ເປີດກະ ສີຂຽວ ຢູ່ແຖບເທິງ → ໃສ່ ເງິນທອນເລີ່ມຕົ້ນ ທີ່ມີໃນລິ້ນຊັກ 1 → ເປີດກະ.
2. ປຸ່ມປ່ຽນເປັນ ■ ປິດກະ ສີແດງ = ກຳລັງຂາຍຢູ່ 2.
3. ປິດກະ: ກົດ ປິດກະ ຫຼື ☰ → ຈັດການກະ (Shift) → ແອັບບອກ ຕ້ອງມີໃນລິ້ນຊັກ = ເງິນເລີ່ມກະ + ຂາຍເງິນສົດ − ຈ່າຍເງິນສົດ.
4. ໃສ່ຈຳນວນໃບຂອງແຕ່ລະໃບເງິນທີ່ນັບໄດ້ 3 → ແອັບບວກໃຫ້ ແລະບອກ ພໍດີ ✓ / ເກີນ / ຂາດ → ປິດກະ → ພິມໃບສະຫຼຸບກະ.
5. ເບິ່ງກະເກົ່າ: ☰ → ປະຫວັດກະ (ຍ້ອນຫຼັງ) 4 — ມື້ · ຍອດຂາຍ · ນັບໄດ້ · ພໍດີ/ຂາດ · ໃຜເປີດ/ປິດ · ພິມຄືນໄດ້.

← ປັດເບິ່ງຮູບ →

ແຕະສິນຄ້າ → ເບິ່ງກະຕ່າ → ຄິດເງິນ → ພິມບິນ.

1. ເລືອກໝວດຢູ່ແຖບເທິງ (ເຊັ່ນ ເຄື່ອງດື່ມ / ອາຫານ) 1 → ແຕະບັດສິນຄ້າ ຫຼືປຸ່ມ ＋. ຄົ້ນຫາດ້ວຍຊື່ ຫຼືບາໂຄດໄດ້ຢູ່ຊ່ອງ ຄົ້ນຫາສິນຄ້າ / ບາໂຄດ...
2. ສິນຄ້າທີ່ມີຂະໜາດ ຈະເປີດໃຫ້ເລືອກ ຂະໜາດ · ນ້ຳກ້ອນ · ໝາຍເຫດ · ຈຳນວນ 2 → ຢືນຢັນ.
3. ໃນມືຖື ກົດ ເບິ່ງກະຕ່າ ຢູ່ລຸ່ມຈໍ (ໃນຄອມ/ແທັບເລັດ ກະຕ່າຢູ່ເບື້ອງຂວາ) 3 → ປັບຈຳນວນດ້ວຍ − ＋ ຫຼືລຶບດ້ວຍ 🗑️ → ກົດ ຄິດເງິນ.
4. ໜ້າ ຊຳລະເງິນ 4: ຄົ້ນຫາສະມາຊິກ (ໄດ້ແຕ້ມ) · ສ່ວນຫຼຸດເປັນ ₭ ຫຼື % · ແຍກຈ່າຍ · ເລືອກ Take-away / Dine-in / Delivery · ເລືອກວິທີຈ່າຍ.
5. ເງິນສົດ: ໃສ່ ຮັບເງິນມາ → ແອັບຄິດ ເງິນທອນ ໃຫ້ 5 → ຢືນຢັນ → ຊຳລະເງິນສຳເລັດ 6 → ພິມໃບບິນ ຫຼື ປິດ.

← ປັດເບິ່ງຮູບ →

ຮ້ານອາຫານ: ເປີດບິນຄ້າງທີ່ໂຕະ ສັ່ງເພີ່ມໄດ້ ຈ່າຍທີຫຼັງ · ລູກຄ້າສະແກນ QR ສັ່ງເອງໄດ້.

ພະນັກງານສັ່ງໃຫ້ໂຕະ

1. ເລືອກເມນູໃສ່ກະຕ່າ → ກົດ ສົ່ງເຂົ້າໂຕະ (ເປີດບິນຄ້າງ) → ເລືອກເລກໂຕະ. ໂຕະທີ່ມີບິນຄ້າງເປັນສີສົ້ມ — ສັ່ງເພີ່ມໃສ່ບິນເກົ່າໄດ້.
2. ຄິດເງິນ: ☰ → ແຜນຜັງໂຕະ (Monitor) 1 → ແຕະໂຕະ → ດຶງບິນມາຄິດເງິນ · ຍ້າຍໂຕະ · ລວມໂຕະ · ພິມໃບເຊັກບິນ.

ລູກຄ້າສັ່ງເອງຜ່ານ QR

1. ☰ → QR Code ໂຕະ 2 → ປັບຈຳນວນໂຕະດ້ວຍ − ＋ → ພິມ QR ແຕ່ລະໂຕະ ໄປວາງໄວ້ເທິງໂຕະ.
2. ສັ່ງກັບບ້ານ / Delivery: ☰ → QR Menu ສຳລັບລູກຄ້າ 3 → Copy Link ສົ່ງໃຫ້ລູກຄ້າ (ລູກຄ້າປັກໝຸດ GPS ໄດ້).
3. ອໍເດີເຂົ້າ POS ທັນທີ ພ້ອມສຽງເຕືອນ · ລູກຄ້າເຫັນສະຖານະອໍເດີ ແລະກົດ ເອີ້ນພະນັກງານ ໄດ້.

← ປັດເບິ່ງຮູບ →

ຈໍຄົວ

1. ເປີດ ☰ → ຈໍຄົວ (Kitchen) ໄວ້ເທິງເຄື່ອງໃນຄົວ (ລ໊ອກອິນບັນຊີຮ້ານດຽວກັນ).
2. ອໍເດີໃໝ່ຂຶ້ນພ້ອມສຽງ ບອກ ໂຕະ · ລາຍການ · ໝາຍເຫດ · ລໍຖ້າຈັກນາທີ 1 → ຕິກແຕ່ລະລາຍການທີ່ເຮັດແລ້ວ → ຮັບອໍເດີ້ (ເຂົ້າຄົວ) → ເສີບແລ້ວ.
3. ຕົວເລກເທິງສຸດ: ລໍຖ້າ · ກຳລັງເຮັດ · ເສີບແລ້ວ. ພິມໃບຄົວໄດ້ດ້ວຍປຸ່ມ ພິມ.

ຈໍລູກຄ້າ (ຈໍທີ 2 ຫັນຫາລູກຄ້າ)

1. ☰ → ຈໍລູກຄ້າ (Display) → ເປີດໃຊ້ → ແອັບໃຫ້ລິ້ງ ແລະ QR.
2. ມືຖື ຫຼືແທັບເລັດ: ສະແກນ QR. ຈໍທີ 2 ຂອງຄອມ: ເປີດລິ້ງໃນ Chrome ລາກໄປຈໍ 2 ແລ້ວກົດ F11.
3. ລູກຄ້າເຫັນລາຍການ ແລະຍອດສົດໆ · ເລືອກຈ່າຍ QR ແລ້ວ QR ໃສ່ຍອດຂຶ້ນຈໍລູກຄ້າເລີຍ · ຕອນຫວ່າງສະແດງຮູບໂຄສະນາໄດ້.

ຮູ້ວ່າເຫຼືອເທົ່າໃດ ຕົ້ນທຶນເທົ່າໃດ ແລະຄວນສັ່ງຫຍັງ — ☰ → ຈັດການສະຕັອກ.

1. ໜ້າ ຄັງສິນຄ້າ 1 ບອກ ມູນຄ່າສະຕັອກ · ຈຳນວນສິນຄ້າ · ໃກ້ໝົດ · ໝົດ · ໃກ້ໝົດອາຍຸ. ແຕ່ລະສິນຄ້າມີປຸ່ມ ＋ ຮັບເຂົ້າ · − ຕັດອອກ/ປັບ · QR ພິມປ້າຍ · ✏️ ແກ້.
2. ຮັບເຄື່ອງເຂົ້າ: ກົດ ＋ → ໃສ່ ຈຳນວນທີ່ຮັບເຂົ້າ · ຕົ້ນທຶນ/ໜ່ວຍ · ຜູ້ຂາຍ 2 → ແອັບບອກສະຕັອກໃໝ່ → ຮັບເຂົ້າ. ຕົ້ນທຶນຄິດເປັນສະເລ່ຍໃຫ້ເອງ.
3. ພິມປ້າຍບາໂຄດ: ກົດ QR → ເລືອກ 1 ໃບ · ຕາມຈຳນວນສະຕັອກ · ກຳນົດເອງ 3 → ພິມ.
4. ແຖບ ປະຫວັດການເຄື່ອນໄຫວ 4: ທຸກການເຂົ້າ-ອອກ ພ້ອມເຫດຜົນ ໃຜເຮັດ ແລະຄົງເຫຼືອ.

← ປັດເບິ່ງຮູບ →

ວັດຖຸດິບ ແລະສູດ (ຮ້ານອາຫານ / ເຄື່ອງດື່ມ)

1. ☰ → ວັດຖຸດິບ (ຄັງຄົວ) 5 → ເພີ່ມວັດຖຸດິບ ເຊັ່ນ ນົມ · ແກ້ວ · ຊີ້ນ ພ້ອມ ຈຳນວນ ແລະໜ່ວຍ.
2. ແກ້ເມນູ → ສ່ວນ 🥩 ສູດ → ເລືອກວັດຖຸດິບ ແລະຈຳນວນຕໍ່ 1 ຈານ/ຈອກ (ແຍກຕາມ S/M/L ໄດ້).
3. ຂາຍເມນູ → ແອັບຕັດວັດຖຸດິບໃຫ້ເອງ ລວມທັງທັອບປິ້ງ.

1. ສະມາຊິກ: ☰ → ສະມາຊິກ (Members) 1 → ເພີ່ມສະມາຊິກ (ຊື່ + ເບີໂທ). ຕອນຄິດເງິນເລືອກສະມາຊິກ ໄດ້ແຕ້ມເອງ · ແລກແຕ້ມເປັນສ່ວນຫຼຸດໄດ້. ຕັ້ງ ມູນຄ່າແຕ້ມ ໃນ ☰ → ຕັ້ງຄ່າ.
2. ໂປຣໂມຊັນ: ☰ → ໂປຣໂມຊັນ (Promotions) → ເພີ່ມໂປຣໂມຊັນ 2 → ຊື່ · ປະເພດ (ຫຼຸດ % · ຫຼຸດເປັນເງິນ · ຊື້ 1 ແຖມ 1) · ໃຊ້ກັບທັງບິນ ຫຼືບາງສິນຄ້າ · ຍອດຂັ້ນຕ່ຳ · ວັນເລີ່ມ-ສິ້ນສຸດ · ວັນໃນອາທິດ → ບັນທຶກ. ແອັບຫຼຸດໃຫ້ເອງຕອນຂາຍ.
3. ລູກໜີ້: ☰ → ລູກໜີ້ (ຕິດໜີ້) 3 → ເຫັນໜີ້ຄ້າງລວມ ແລະແຕ່ລະຄົນ → ກົດ ຮັບເງິນ ເມື່ອລູກຄ້າມາຈ່າຍ (ຮັບເປັນກີບ ຫຼືບາດໄດ້).

← ປັດເບິ່ງຮູບ →

ກົດ ລາຍງານ ຢູ່ແຖບເທິງ ຫຼື ☰ → ລາຍງານ (Report) — ຕົວເລກອັບເດດເອງເມື່ອມີບິນໃໝ່.

1. ເລືອກຊ່ວງ ມື້ນີ້ ເດືອນນີ້ ປີນີ້ ຫຼືກົດ 📅 ເລືອກວັນເອງ · ເລືອກສາຂາ 1.
2. ບັດສະຫຼຸບ: ຍອດຂາຍ · ຕົ້ນທຶນສິນຄ້າ · ກຳໄລຈາກສິນຄ້າ · ລາຍຈ່າຍ · ກຳໄລສຸດທິ · ຈຳນວນບິນ · ແຍກ ເງິນສົດ / ເງິນໂອນ · ໜີ້ຄ້າງ 2.
3. ເລື່ອນລົງ: ສິນຄ້າຂາຍດີ (ຈຳນວນ ແລະຍອດ) ແລະ ປະຫວັດການຂາຍ — ແຕະບິນເພື່ອເບິ່ງ ພິມຄືນ ຫຼືຍົກເລີກ 3.
4. ປຸ່ມເທິງຂວາ: 🔄 ອັບເດດສະຫຼຸບ · ✨ ສະຫຼຸບດ້ວຍ AI · 📊 ສົ່ງອອກ Excel (ຄົບທຸກບິນ).

← ປັດເບິ່ງຮູບ →

ບັນທຶກລາຍຈ່າຍ

1. ☰ → ບັນທຶກລາຍຈ່າຍ 4 → ເພີ່ມລາຍຈ່າຍ.
2. ໃສ່ ຈຳນວນເງິນ → ເລືອກ ໝວດ (ວັດຖຸດິບ · ຄ່າເຊົ່າ · ເງິນເດືອນ · ຄ່ານ້ຳ-ໄຟ ...) → ລາຍການ / ໝາຍເຫດ → ຈ່າຍເປັນ ເງິນສົດ ຫຼື ໂອນ → ແນບຮູບບິນໄດ້ 5 → ບັນທຶກ. ລາຍຈ່າຍເງິນສົດ ຫັກອອກຈາກເງິນໃນລິ້ນຊັກຕອນປິດກະ.

🤖 ຜູ້ຊ່ວຍຮ້ານ AI

1. ເອົາ key ຟຣີຈາກ aistudio.google.com → ວາງໃນ ຕັ້ງຄ່າ → AI ຜູ້ຊ່ວຍຮ້ານ (Gemini).
2. ☰ → ຜູ້ຊ່ວຍຮ້ານ AI → ຖາມເປັນພາສາລາວ ເຊັ່ນ "ມື້ນີ້ຂາຍໄດ້ເທົ່າໃດ" "ເມນູໃດຂາຍດີ".

ໃສ່ຍອດຂາຍຂອງມື້ທີ່ຜ່ານມາ — ເຊັ່ນ ຫາກໍ່ເລີ່ມໃຊ້ແອັບ, ມື້ທີ່ໄຟຟ້າ ຫຼືເນັດມີບັນຫາ, ຫຼືບິນເຈ້ຍທີ່ຍັງບໍ່ໄດ້ລົງ.

1. ☰ → ບັນທຶກຂາຍຍ້ອນຫຼັງ (ເຫັນສະເພາະເຈົ້າຂອງ ຫຼືຜູ້ທີ່ໄດ້ຮັບສິດ).
2. ເລືອກ ວັນທີ ແລະເວລາ — ກົດ ປ່ຽນ ເພື່ອເປີດປະຕິທິນ 1 ຫຼືກົດປຸ່ມລັດ ມື້ວານ 2 ມື້ກ່ອນ ອາທິດແລ້ວ.
3. ເລືອກວິທີໃສ່: ເລືອກສິນຄ້າ (ບອກລາຍການ ແລະຈຳນວນ) ຫຼື ຍອດລວມ (ໃສ່ແຕ່ຍອດທັງມື້ + ຕົ້ນທຶນລວມ ບໍ່ດັ່ງນັ້ນກຳໄລຈະສູງເກີນຈິງ) 2.
4. ເລືອກ ຮັບເງິນດ້ວຍ ເງິນສົດ / ໂອນ → ບັນທຶກບິນ → ອ່ານທວນວັນທີ ແລ້ວຢືນຢັນ.

← ປັດເບິ່ງຮູບ →

ໃຫ້ພະນັກງານມີບັນຊີຂອງຕົນເອງ ແລະກຳນົດວ່າເຮັດຫຍັງໄດ້ ຫຼືບໍ່ໄດ້.

1. ☰ → ຈັດການພະນັກງານ → ເພີ່ມພະນັກງານ → ໃສ່ ຊື່ · ອີເມລ (ໃຊ້ເຂົ້າລະບົບ) · ລະຫັດຜ່ານ · ຕຳແໜ່ງ 1 → ບັນທຶກ.
2. ພະນັກງານຂຶ້ນໃນລາຍຊື່ 2 → ໃຫ້ພະນັກງານເຂົ້າສູ່ລະບົບເຄື່ອງຂອງເຂົາດ້ວຍອີເມລ ແລະລະຫັດນັ້ນ.
3. ປັບສິດ: ກົດ ⋮ ຢູ່ຊື່ພະນັກງານ → ຕຳແໜ່ງ ແລະ ສິດ → ເລືອກແບບ ແຄຊເຊຍ · ຜູ້ຈັດການ · ແອດມິນ ແລ້ວເປີດ/ປິດແຕ່ລະສິດ 3 4 → ບັນທຶກ.

← ປັດເບິ່ງຮູບ →

ໜ້າຮ້ານຂອງທ່ານເອງທີ່ anniekaiydee.com/s/ຊື່ຮ້ານ — ແປະລິ້ງໃນ Facebook ຫຼື Messenger ແລ້ວລູກຄ້າເລືອກສິນຄ້າ ໃສ່ກະຕ່າ ແລະສັ່ງເອງ. ເປັນແພັກເກັດເສີມ — ຕິດຕໍ່ທີມງານເພື່ອເປີດໃຊ້. ເມນູ ☰ → ຮ້ານອອນລາຍ.

1. ເປີດ ☰ → ຮ້ານອອນລາຍ 1: ເຫັນລິ້ງຮ້ານ ແລະວັນໝົດອາຍຸ · ອໍເດີແຍກແຖບ ໃໝ່ · ສົງໄສ · ກຳລັງກຽມ · ສົ່ງແລ້ວ · ກົດ ສຳເນົາລິ້ງ ຫຼື ແບ່ງປັນ.
2. ກົດ ⚙️ → ຕັ້ງ ຊື່ລິ້ງ (ພາສາອັງກິດ ຕົວເລກ ແລະ - ເຊັ່ນ annie-cafe) · ເປີດຮັບອໍເດີ · ຄຳແນະນຳຮ້ານ · ເບີຕິດຕໍ່ · Facebook · ສີຂອງໜ້າຮ້ານ 2.
3. ເລື່ອນລົງ: ຂົນສົ່ງ (ອະນຸສິດ · ຮຸ່ງອາລຸນ · ອື່ນໆ) · ຄ່າສົ່ງ · ການຊຳລະ (ໂອນ QR ແນບສະລິບ · ເກັບເງິນປາຍທາງ COD) · ໂຄ້ດສ່ວນຫຼຸດ · ສິນຄ້າທີ່ວາງຂາຍ — ເປີດ ວາງຂາຍທຸກສິນຄ້າ ຫຼືເລືອກເອງ 3 → ບັນທຶກ.
4. ລູກຄ້າເປີດລິ້ງ ເຫັນໜ້າຮ້ານ 4 → ໃສ່ກະຕ່າ → ສັ່ງ. ອໍເດີເຂົ້າ → ແອັບດັງເຕືອນ → ກວດສະລິບ → ຢືນຢັນ + ລົງບິນ (ລົງບິນຂາຍ ແລະຕັດສະຕັອກໃຫ້ເອງ).
5. ສົ່ງເຄື່ອງ → ສົ່ງເຄື່ອງແລ້ວ ໃສ່ເລກພັດສະດຸ → ລູກຄ້າໄດ້ຮັບ → ລູກຄ້າໄດ້ຮັບແລ້ວ.

← ປັດເບິ່ງຮູບ →

ບັນທຶກການຊື້ເຄື່ອງເຂົ້າຮ້ານ · ສະຕັອກເພີ່ມເອງ · ຮູ້ວ່າຕິດໜີ້ໃຜເທົ່າໃດ ແລະຕ້ອງຈ່າຍມື້ໃດ. ເມນູ ☰ → ຈັດຊື້ & ໜີ້ (ບັນຊີເຈົ້າຂອງ · ຕ້ອງມີເນັດ).

1. ເພີ່ມຜູ້ສະໜອງ ພ້ອມ ຈ່າຍພາຍໃນຈັກມື້.
2. ຊື້ເຄື່ອງເຂົ້າຮ້ານ → ເລືອກຜູ້ສະໜອງ · ສິນຄ້າ · ຈຳນວນ · ລາຄາຊື້ → ຈ່າຍຄົບ / ຕິດໜີ້ / ຈ່າຍບາງສ່ວນ → ບັນທຶກ. ສະຕັອກເພີ່ມທັນທີ ແລະຕົ້ນທຶນສະເລ່ຍອັບເດດ.
3. ຕິດໜີ້ໄວ້: ແອັບເຕືອນ ຄົບກຳນົດ / ເກີນກຳນົດ → ກົດ ຈ່າຍ ເມື່ອຈ່າຍແລ້ວ.

☰ → ຕັ້ງຄ່າ & ສຳຮອງຂໍ້ມູນ 1 → ກຸ່ມ ເຄື່ອງພິມ & ແຈ້ງເຕືອນ → ເຊື່ອມຕໍ່ເຄື່ອງພິມ. ຮອງຮັບເຄື່ອງພິມບິນ 58 ແລະ 80 mm.

🏷️ ເຄື່ອງພິມບາໂຄດ (ສະຕິກເກີມ້ວນ)

1. ໜ້າເຄື່ອງພິມ → ເຄື່ອງພິມບາໂຄດ / ສະຕິກເກີ → ເລືອກຂະໜາດເຈ້ຍ 1–4 ດວງຕໍ່ແຖວ (ເຊັ່ນ 3 ດວງ 32×25 mm) ຫຼືໃສ່ເອງ · ຄອມເລືອກເຄື່ອງພິມບາໂຄດແຍກຈາກເຄື່ອງພິມບິນ.
2. ຄອມ Windows ຄັ້ງທຳອິດ: Printers → ເຄື່ອງພິມບາໂຄດ → Printing preferences ຕັ້ງຂະໜາດເຈ້ຍໃຫ້ກົງກັບທີ່ແອັບບອກ.
3. ກົດ ພິມທົດສອບ 1 ແຖວ — ບໍ່ກົງດວງ ປັບ ເລື່ອນ ຊ້າຍ−/ຂວາ+ ເທື່ອລະ 1 mm · ມືຖື: ເລືອກພາສາ TSPL · ປ້າຍກັບຫົວ ເປີດ ປີ້ນຫົວ 180°.

ໃບສະເໜີລາຄາ / ໃບເກັບເງິນ / ໃບສົ່ງເຄື່ອງ

1. ໃສ່ສິນຄ້າໃນກະຕ່າ → ກົດ 📄 ໃບສະເໜີລາຄາ / A4 (PDF) (ເບິ່ງຮູບ ກະຕ່າ ໃນຫົວຂໍ້ 4).
2. ເລືອກປະເພດເອກະສານ · ໃສ່ຊື່ລູກຄ້າ · ສ່ວນຫຼຸດ · VAT → ພິມ ຫຼືບັນທຶກເປັນ PDF ສົ່ງລູກຄ້າ.